Асноўнымі напрамкамі дзейнасці БелНДIДАС з'яўляюцца:

• развіццё тэорыі дакументазнаўства, архівазнаўства, археаграфіі, крыніцазнаўства і іншых спецыяльных гістарычных дысцыплін;
• правядзенне прыкладных даследаванняў у галіне дакументазнаўства, удасканаленне дакументацыйных сістэм і тэхналогій працы з дакументамі ў дзяржаўных органах і іншых арганізацыях;
• уніфікацыя і стандартызацыя справаводных і архіўных працэсаў, распрацоўка праектаў дзяржаўных стандартаў, іншых тэхнічных нарматыўных прававых актаў у сферы кіравання дакументамі і архівамі;
• вядзенне агульнадзяржаўнага класіфікатара Рэспублікі Беларусь АКРБ «Уніфікаваныя дакументы», распрацоўка і вядзенне ўніфікаванай сістэмы арганізацыйна-распарадчай дакументацыі (УСАРД);
• распрацоўка навуковых прынцыпаў і метадалогіі камплектавання архіваў, экспертызы каштоўнасці, забеспячэння захаванасці дакументаў, стварэння навукова-даведачнага апарата да дакументаў Нацыянальнага архіўнага фонду Рэспублікі Беларусь;
• распрацоўка навуковых прынцыпаў выкарыстання і публікацыі дакументаў Нацыянальнага архіўнага фонду Рэспублікі Беларусь, археаграфічная апрацоўка і публікацыя дакументаў па гісторыі Беларусі;
• даследаванне актуальных праблем беларускай дзяржаўнасці і культуры, вывучэнне гісторыі справаводства і архіўнага будаўніцтва;
• вывучэнне эканомікі архіўнай справы і дакументацыйнага забеспячэння кіравання;
• падрыхтоўка праектаў нарматыўных прававых актаў і метадычных дакументаў у сферы архіўнай справы і справаводства;
• выданне навуковых, вытворча-практычных, нарматыўных вытворча-практычных і даведачных выданняў у адпаведнасці з асноўнымі кірункамі дзейнасці інстытута.